NA-DISCOURAGE AKO PAGPUNTA KO SA BAHAY NG BOYFRIEND KO, JUSKO PARA AKONG…….

Ako yung tipo ng babae na hindi mapakali pag may kunting dumi sa bahay. Maglalaan talaga ako ng time para maglinis
At isa pa, i practice CLAYGO, kaya hindi ako mahihiya tuwing may darating na unexpected guests.

So birthday ko na, ininvite ko yung family ng bf ko. First time kong ma-meet yung parents niya at yung dalawa niyang kapatid na lalaki. Sa malayong lugar kasi sila nakatira. At syempre, bilang kanilang future daughter in law, chaaar! Nag-effort akong maglinis, na para bang royal family ng Brunei yung darating. Syempre naman, gusto kong ma-appreciate nila ako bilang girlfriend ng anak nila at yung environment na kinalakihan ko.

Pagbaba nila ng kotse, nag-aalangan akong lumapit sa kanila kasi magara yung suot nila, very classy baga. Sa isip ko, tama ako…parang royal family nga sila. And then tinawag ako ni bf, tapos nagmano ako sa parents niya. Pero pagyuko ko, napansin ko yung alikabok na dumikit sa kotse nila. Kaya medyo gumulo yung utak ko. Pero sa isip ko, baka busy lang kaya hindi napa-car wash. And i keep it to myself nalang.

Tapos niyaya ako ng mama niya na pumunta sa kanila, so after 1 week, pumunta ako.
Malayo pa lang kami ni bf, tanaw ko na kung gaano kaganda yung bahay nila. Mas maganda pa sa amin. Pero nang papasok na kami sa terrace, girl…parang dinaanan ng bagyo! Sa sobrang dumi ng tiles nila, parang pati kalabaw pumasok sa loob. Pagdating naman sa sala, mas worst! Nagkalat yung mga gamit, libro, tuwalya, damit, may rice cooker, may mga pinagkainan na hindi man lang niligpit after. Malaki naman yung bahay nila pero hindi marunong mag-organize ng mga gamit. Tapos sobrang dumi pa ng sofa nila, puro alikabok. Pangiti-ngiti lang ako pero deep inside nasusuka na ako. Ang naabutan lang namin dun is yung mama at papa niya, nasa work daw yung mga kapatid niya.

Sabi nung papa niya “upo ka” pero hindi ko talaga kayang umupo sa maruming upuan. Kaya sabi ko na lang na puntahan ko si tita sa kusina, nagluluto raw kasi para sa lunch namin. Pero sana hindi nalang ako nagtungo sa kusina, mas malala pala dun! Yung lababo hindi mo malaman kung anong purpose niya talaga eh, wala namang pista pero maraming tambak na hugasin. Tapos ang itim-itim pa ng tiles ng lababo. Meron silang isang table na puno ng gamit, naghahalo yung condiments at mga kaldero. Tas parang hindi marunong magwalis ng sahig yung mga nakatira.

Tinanong ako ni tita, “gutom ka na ba?”
“Hindi nasusuka ako” sa isip ko.

Hindi ko kayang lumunok ng pagkain sa maruming paligid. Kaya nagdrama ako, sabi ko biglang sumakit ang tiyan ko. Kaya ayun, pinatake out na lang sa akin yung pagkain.

Habang nasa kotse kami, humingi ng pasensya sa’kin si bf dahil sa marumi nilang bahay. Busy raw silang lahat kaya wala silang panahong maglinis. Sabi ko sa kanya, kumuha nalang sila ng katulong. Sagot naman niya, ayaw daw ng mama niya baka raw magnakaw.

Jusmiyo, sabihin na nating busy silang lahat sa trabaho, pero hindi pa rin enough na rason yun para hayaang maging ganun ka dumi ang buong bahay.

Narealize ko lang na hindi pala purkit maganda manamit yung isang tao ay malinis na siya. Yung iba, nagtatago lang sa magagarang kasuotan upang matakpan yung pagkaburara nila.